Ant Art

Флэшмоб licvinkabelarus

Sun, 13 Apr 2008 07:21:35 GMT

Budka suflera. Люблю гэтыя дзьве песні: Bal wszystkich swiętych і Takie tango. Прыемныя мэлёдыі, душэўныя словы. Калі-нікалі сьпяваю сам.

Іch troje. Трэба выдаліць з зацікаўленьняў, бо падабаецца толькі іхні выступ на Эўравізіі 2006, які нават у фінал не патрапіў. А мы любім, дагэтуль круцім. Таксама сьпяваю, хаця нямецкая частка песьні (у адрозьненьне ад польскай, гішпанскай, ангельскай і расейскай) у галаве надоўга не затрымліваецца. :-)

INXS. Fellow Aussies! Голас Майкла Хатчэнса прабірае, прабірае. Музыка бельмі прыемная... Думаю, што калі б я быў жанчынай, то гэтыя песьні маглі б даводзіць да аргазму. Улюбёныя песні - By My Side, Never Tear Us Apart і іншыя. Падпяваю, бывае.

Pratchett - неймаверна разумныя і сьмешныя кніжкі. Асабліва люблю спачатку праслухаць кнігу, а потым прачытаць. Пару кніжак чытаў даўно па-расейску і нядаўна ў арыгінале, дык хачу пахваліць перакладчыка: сустрэўшы абсалютна неперакладальны жарт, ён (ці яна) не спрабуе збудаваць нешта нехлямяжае, а прапускае зусім. Затое адцягваецца на наступнай старонцы, дзе ніякага жарту не было ў арыгінале! Не люблю я пераклады страшэнна, але бываюць вось такія выключэньні. Падвойная асалода! І я яшчэ не чытаў/слухаў нават паловы - колькі радасьці чакае наперадзе! Але вельмі сумна, што ў Пратчэта нядаўна знайшлі Альцгеймэра - проста вусьцішна думаць, што такі вялікі розум прыйдзе ў заняпад... А, улюбёная кніга - Reaper Man (Мрачный жнец) і... усе астатнія.

Stratovarius. Фінскія гурты наагул набрынчэлі столькі шыкоўнай музыкі, цікавай усяму сьвету, але адметнай сваім асаблівым абліччам, што тут нават і пісаць няма пра што... Слухаць! Зь песень найбольш люблю Chasing Shadows, Soldier's Prayer і Years Go By, якую таксама часта сьпяваю.

Дзякуй за арганізацыю флэшмобу!

Няхай жыве каталіцка-мусульманская еднасьць!

Mon, 31 Mar 2008 06:16:20 GMT

Учора ў нашым вясковым касьцёле "The Star of the Sea" было дзіцячае сьвята. Прашу прабачэньня за якасьць (мабілка).

Fri, 21 Dec 2007 23:35:12 GMT

Што можа быць эратычней за дзяўчыну, якая есьць?

Выбары

Sun, 25 Nov 2007 09:21:02 GMT

У Беларусі я галасаваў па дванадцаці рэфэрэндумных пытаньнях (4 ў 1995-м, 7 у 1996-м і 1 ў 2004-м) і на безьлічы выбараў, пачынаючы з прэзыдэнцкіх 1994-га. Выбар народа заўсёды быў процілеглы майму. Аж да ўчорашняга дня, калі кандыдат у дэпутаты фэдэральнага парлямэнта ад нашай акругі, за якога я галасаваў, нечакана перамог. Сацыялягічныя апытаньні і колькасьць пастаўленых грошай (у Аўстраліі любяць рабіць стаўкі на коней і палітыкаў) упэўнена ставілі яго на другое месца, але шмат людзей вызначыліся ў апошні дзень ці нават гадзіну, у тым ліку і я.

Ягоная партыя таксама перамагла ў нацыянальным маштабе, і лідэр апазыцыі Кевін Рад стаў новым прэм'ерам, а былы прэм'ер Джон Хаўад, хутчэй за ўсё, страціў нават сваё ўласнае дэпутацкае места (тут, каб стаць пастаянным міністрам, трэба спачатку ў дэпутаты выбрацца). Праўда, прычына гэтага - зьмененыя межы ягонай акругі (была бясьпечна лібэральнай, стала маржынальнай - такой, дзе ёсьць вялікія шанцы ў розных кандыдатаў). Камісія, якая вызначае тыя межы - сапраўды незалежная, напаскудзіла прэм'еру, а магла бы і лідэру апазыцыі - яна толькі рупіцца, каб у кожнай акрузе была прыблізна роўная колькасьць насельніцтва. Наша акруга, дарэчы, зусім новая, бо вельмі шмат людзей нараджаецца і прыязджае зь іншых мясьцін краіны.

Да былога ўрада ў мяне таксама не было ніякіх прэтэнзій - проста лідэр апазыцыі падабаўся болей. Яго і называюць "маладым, палепшаным Хаўадам", Howard Lite. І нават вінавацілі ў палітыцы "Я таксама!" (перайманьні і нават крадзяжы ідэй і планаў урада). Зрэшты, урад таксама "пазычаў" найбольш удалыя ідэі апазыцыі.

Спрэчкі паміж уладай і апазыцыяй звычайна зводзіліся да такога дыялёгу:

Апазыцыя: Вы кіруеце вельмі дрэнна!
Улада: Магчыма! Але ж вы кіравалі яшчэ горш!
Апазыцыя: Можа быць! Але калі вы кіравалі перад намі, рабілі гэта яшчэ горш за нас!

Ну што ж, прынамсі, прагрэс відавочны. Альбо такі дыялёг:

Улада: Эканоміка разьвіваецца вельмі добра! Гэта наша заслуга!
Апазыцыя: Не, гэта заслуга нашых рэформаў!
Улада: Магчыма! Але мы яе пасьля вас не зламалі!

Што кінулася ў вочы на ўчастку - агітацыя не забаронена, а наадварот, буяе. У тым ліку жорсткая крытыка апанэнтаў. Ну і раней ведаў, што яўка прымусовая, а галасаваньне прэфэрэнцыйнае. Добрая сыстэма, беларусам яе недастае: напрыклад, на тых жа прэзыдэнцкіх выбарах 1994-га я, галасуючы за Пазьняка, мусіў выкрасьліць усіх астатніх, ня робячы розьніцы паміж Шушкевічам і Лукашэнкам. Па аўстралійскай сыстэме я бы паставіў 1 Пазьняку, 2 Шушкевічу, 3 аграрніку Дубку, 4 камуністу Новікаву, 5 Лукашэнку і 6 Кебічу. Перамагае тут часта ня той, хто набірае большасьць "першых" галасоў (такога амаль і не здараецца) а той, хто мала каго раздражняе і такім чынам атрымлівае шмат "другіх", "трэйціх" і так далей прэфэрэнцый ад іншых кандыдатаў. І, вядома, ніякіх другіх тураў.

От Кроналлы до Сити...

Wed, 26 Sep 2007 08:45:01 GMT

От Кроналлы до Сити
Поезд идет не спеша.
Мысли мои, не летите, -
Я прошу, не дыша.
Куда вы? Под небом синим,
У синего моря, вширь
Раскинулся город Сидней
Ожившей мечтой души.
Он - лес волшебный из детства,
Он - белые паруса,
Он - сказочное королевство,
Он - дивный роскошный сад,
Он мне бесконечно дорог,
Но мчусь в тот далекий край.
Ги-дай, мой любимый город,
How are you? I'm fine, good bye!
От домиков красных кирпичных
В тени эвкалиптов и пальм,
От малиновых крыш черепичных
Уносятся мысли вдаль.
Они огибают планету,
Над домами друзей паря...
Как вас раскидало по свету!
О скольком мечтали зря!
Теперь вы - имэйлов строчки
И редких звонков слова,
Теперь вы - на карте точки:
Нью-Йорк, Лимассол, Москва...
Граница - как линия фронта,
И мир огромный за ней:
Окленд, Прага, Торонто,
Теперь вот и я - Сидней.
Мы перелетели границы,
Что в клетке держали нас,
Всё к черту! Мы вольные птицы,
Мы жизнь проживем - хоть раз!
А где-то, под небом хмурым,
Психованный, злой, больной,
Глумится колхозный фюрер
Над нашей родной страной.
Там рыцари, башни, замки,
Шальной колокольный звон,
Там пьяницы, хамы, хамки,
ГАИ, КГБ, ОМОН,
Там от девушек светлых стройных
Можно запросто шею свернуть,
Там людей, лучшей жизни достойных,
Осталось совсем чуть-чуть,
Там о высших идеях спорят
И много читают книг,
Там нет ни солнца, ни моря,
Ни воли, ни правды, ни...
Но в волнах океана помню,
Как слушал песни друзей,
Как плавал в студеном Нёмане,
Как ел картошку с углей,
Как любил, презирал и верил,
Учился жить и мечтать -
Но лишь бьются волны о берег:
Прилив, отлив, и опять...
Там помнят душистые сосны
Поцелуй у ночного костра,
Там мерцают Севера звезды,
Там гитары и стук топора,
Там горстка смелых упрямо
Дерется за право дышать,
Там бабушка, папа и мама,
Как я вас хочу обнять!

Меня будит огромной силы
Пронзительный птичий крик:
Любимая мне подарила
Удивительный материк!
Нам не воет сердитая вьюга
Из страны бесконечной зимы:
Мы с тобой увезли друг друга
От мороза, страха и тьмы.
И опять оставляю сзади
Океаны и города,
И снова ясность во взгляде,
И снова лечу туда,
Где ветер соленый, сильный,
Где зимы - цветущий май.
Проснулся.
Good morning, Сидней.
Спокойной ночи, мой край...

APEC-3

Sat, 08 Sep 2007 08:08:44 GMT

На сёньня былі абяцаныя крутыя бунты, але паранена толькі двое паліцыянтаў і арыштавана толькі 18 дэманстрантаў. Але ўсё адно, не разумею, чаму гэта ўсё зроблена ў Сыднэі, гэта ж не сталіца, сталіца ў Кенбэры, там палітыкі працуюць і жывуць, вельмі правільны і занудны горад - усе палітычныя саміты павінны быць там! Бо ў Сыднэі ж парушана праца ўсяго бізнэсу, сапсаваны адпачынак столькім турыстам! Хіба што акрамя антыглябалістаў і іншых левакоў-хіпакоў - таксама панаехалі з усяго сьвету ладзіць вулічныя баі.

У Кенбэру! За ўвесь час у Аўстраліі мне было сумна толькі адзін раз - гэта былі 6 гадзін, праведзеныя ў сталіцы. Праўда, там недалёка найвышэйшая кропка кантынэнту, гара Касьцюшкі (вымаўляецца Мяўнт Козіоскоў) - вось туды з радасьцю паеду.

APEC-2

Sat, 08 Sep 2007 07:29:25 GMT

1. Буш назваў гэта ўсё "самітам OPEC" замест APEC. Калі хто ня ведае, OPEC - гэта арганізацыя нафтаздабыўцаў, а APEC - краін вакол Ціхага акіяна.

2. Назваў аўстралійскія войскі ў Іраку "аўстрыйскімі". Праўда, ён ня першы.

3. Сустракаючыся зь лідэрам апазыцыі Кевінам Радам, умольваў яго тыя войскі не выводзіць. Зрэшты, гэтая просьба - разумны крок.

4. Так і ня здолеў вымавіць назву тэрарыстычнай арганізацыі "Jemaah Islamiah".

5. Са сцэны пайшоў не туды - наш прэм'ер яго тады накіраваў куды трэба.

6. Пасьлядоўна вымаўляе слова nuclear як "нукіля". Людзі сьмяюцца. Затое калі тут нядаўна адзін дэпутат сказаў "нуклеа", прэм'ер-міністар паправіў яго: "ньюклеа". Чаму ён Буша не паправіць? А сам слова uranium заўсёды чамусьці вымаўляе "юрэнміэм". Салодкая парачка.

7. Дарэчы, пра ўран. Учора ж Пуцін прыляцеў зь Інданэзіі, ён туды прадаў на мільярд танкаў, самалётаў і падводных лодак, дык прыляцеў з грашыма прыкупіць у Аўстраліі трохі ўрану. Большасьць народу катэгарычна супраць, некаторыя называюць гэты гешэфт найвялікшай памылкай Аўстраліі за ўсю яе гісторыю. Мы ўжо прадаем уран Індыі - тут ніхто ня пярэчыць.

APEC

Thu, 06 Sep 2007 11:06:15 GMT

Крута, у Сыднэі арыштавалі маіх улюбёных камэдыянтаў зь перадачы The Chaser's War on Everything - тыя зладзілі аўтамабільную кавалькаду, прыкідваючыся канадзкай дэлегацыяй, і адзін зь іх, Чэс, апрануты Бін Ладэнам, прарываўся сустрэцца з Бушам, але ўсіх замялі - 11 чалавек. Потым выпусьцілі, але сьвеціць да 6 месяцаў. Мабыць, рэйтынг і так папулярнай праграмы ўздымецца да 100%. Выходзіць яна, дарэчы, на дзяржаўнай безрэклямнай тэлевізіі ў найлепшы час, з паўторам. Гоняць на ўрад фантастычна жорстка, нават на агульным фоне.

Усе казлы панаехалі ў Сыднэй - Буш, кітаец Ху, заўтра Пуцін - аднаго Рыгорыча недастае для поўнай кампаніі. Зусім не пазнаю горад, у якім пражыў паўтара года, вольны, прасторны і прыгожы, які так моцна люблю - усюды агароджы, краты, паліцыянты і пратэстуючыя. Ёсьць забаўныя - напрыклад, дзяўчаты ў бікіні з плякатам "STOP BUSH - WAX REGULARLY". 52% аўстралійцаў лічаць Буша-малодшага найгоршым прэзыдэнтам у гісторыі, але 36% ня згодныя з гэтым, мяркуюць, што хтосьці быў яшчэ горшы (апытаньні не паведамляюць, хто). Але добра, што не абагульняюць: 75% па-ранейшаму любяць амэрыканцаў і Амэрыку.

Лідэр апазыцыі павітаў Ху колькіхвіліннай прамовай на чысьцюткім мандарыне (галоўны кітайскі дыялект). Ён там працаваў некалькі год, вывучыў. Амаль 100%, што ўзначаліць краіну сёлета.

І без палітыкі: Дыяначка толькі што, з захапленьнем распавядаючы пра аднаго з удзельнікаў гурта The Wiggles, кажа: "Ён такі абжо-о-ора - як ты!"

Mon, 03 Sep 2007 09:27:53 GMT

Дыяначка з аднаклясьніцай і мамай.

Аўстралійскі Марш

Fri, 03 Aug 2007 09:57:37 GMT

З сёньняшніх навін:

http://www.news.com.au/couriermail/story/0,20797,22181840-952,00.html

10-тысячная дэманстрацыя ў Брызбэне (сталіцы штата) супраць далучэньня мясцовай рады Нусы да мясцовай рады Сонечнага берага. Даведка - насельніцтва Нусы - 50000, геаграфічна яна да таго самага Сонечнага берага і належыць. Чым тое аб'яднаньне кепска (ці добра) - тлумачыць цяжка і нецікава. Але адназначна добра тое, што людзі ня церпяць парушэньня сваіх інтарэсаў.

Фоткі мае. Першая - Нуса, другая - Мулулаба ў іншай частцы Сонечнага берага. Фоткі ня выкліканы падкрэсьліць розьніцу: і там і там ёсьць і "высокія" будынкі, і аднапавярховыя, і, натуральна, адсутныя на фотках пляжы.

А колькі месяцаў назад у Сыднэі былі 100-тысячныя дэманстрацыі, паліцыя ўжывала сілу, па БТ паказвалі. Прычына - распаўсюджаньне спрошчанага парадку звальненьня супрацоўнікаў на прадпрыемствы колькасьцю да 100 чалавек, наколькі я разумею.

Ну і, вядома, забастоўкі і дэманстрацыі настаўнікаў супраць урадавага рашэньня выкладваць у інтэрнэт сярэднія вынікі пасьпяховасьці па школах (бо тады ўсе захочуць вучыцца ў добрых школах - а што рабіць дрэнным?), а таксама дэманстрацыі студэнцкіх прафсаюзных актывістаў (нешматлікія, але шумныя) супраць скасаваньня прымусовага сяброўства ў прафсаюзах (вядома, шкада губляць $400 у год сяброўскіх складак з кожнага студэнта).

Вось такія ў нас сур'ёзныя праблемы. Яшчэ сёньня:

http://www.news.com.au/couriermail/story/0,20797,22181857-952,00.html

18 антываенных актывістаў прадсталі перад судом за пратэст супраць супольных аўстралійска-амэрыканскіх манэўраў у аголеным выглядзе. Чамусьці мне ўявілася, што перад судом яны прадсталі ў тым самым выглядзе.

Але ня ўсё ў Аўстраліі так вясёла і бесклапотна. Вось, тыдзень таму:

http://www.abc.net.au/news/stories/2007/07/29/1991037.htm

21-гадовы жыхар Сыднэя загінуў, праляцеўшы 45 мэтраў па каналізацыйнай шахце, ловячы гекончыкаў для сваёй ручной зьмяі. Пад'ём яго наверх заняў некалькі гадзін.

Дачытаў

Sun, 29 Jul 2007 18:57:56 GMT

На першую траціну кніжкі пайшоў тыдзень, на астатнія дзьве траціны - адна ноч. Праз гадзіну ўставаць на працу. Спаць зусім ня хочацца.

Cold Coast (было: Gold Coast)

Sun, 29 Jul 2007 08:30:30 GMT

Фотку зрабіла ziankovichава сястра. За дзень да таго (дакладней, уначы) на 200 км бліжэй да Экватара, на самім акіяне (дзе яна і жыве) былі замарозкі (упершыню ў гісторыі). Кажуць, усяму віной глябальнае пацяпленьне.

Тыдзень

Thu, 26 Jul 2007 10:36:39 GMT

Чацьвер: праца.
Пятніца: паехаў на Сонечны бераг (430 км).
Субота: паехаў у Брызбэн (яшчэ 100 км) і на Залаты бераг (яшчэ 100 км). Вярнуўся на Сонечны.
Нядзеля: прыехаў дадому.
Панядзелак: паляцеў у Брызбэн (бо дупа забаліць зноў 6 гадзін ехаць).
Аўторак: хадзіў на м'юзыкал "Міс Сайгон". Усе да адной песьні - цудоўныя. Расчулены да глыбіні. Абсалютна агаломшаны.
Серада: прыляцеў дадому.
Чацьвер: праца. Хадзіў у кіно на Сымпсанаў. Страшэнна баляць сківіцы ад сьмеху.
У пятніцу ўвечары п'янка з калегамі, а вось на выходныя плянаў няма (дакладней, няма сьвежых ідэй). Што б такога замуціць?

Што высьветліў допыт таго танкіста

Sun, 15 Jul 2007 12:40:27 GMT

На допыце высьветлілася: танкіст мэтанакіравана разбураў вежы мабільнай сувязі, бо меркаваў, што радыёвыпраменьваньне пашкодзіла ягоны мозг.

Танк 1967-га года вырабу, пасьля разгрому мае патрэбу ў рамонце, і ён ня быў застрахаваны. Ён быў вельмі папулярны на вясельлях і студэнцкіх балях...

Easy does it

Sun, 15 Jul 2007 12:00:54 GMT

70-я годы. Аўстралія павольна пераходзіць зь міляў і фунтаў на кілёмэтры, кіляграмы і гэтак далей. Дарэчы, толькі тры краіны дагэтуль не перайшлі: у пачэсным сьпісе ЗША, М'янма (Бірма) і Лібэрыя.

Ворагі рэформы распаўсюджвалі чуткі пра пераход на мэтрычны час (у гадзіне 100 хвілін, і г.д.) Багата хто верыў, бо людзі вельмі мілыя і брахнёй не сапсаванаыя.

Дык вось, нармалёвая сцэна: мужыкі п'юць піва (дагэтуль пінтамі, а не паўлітрамі, бо піва - гэта сьвятое) і звыкла лаюць урад.

- Засранцы, робяць што хочуць! Міля, ярд, фут, цаля - так зразумела і зручна, а тут нейкія сантымэтры, мілімэтры, хрэнамэтры - глуздануцца можна!
- Не кажы! Знахабнелі дарэшты! Гэтак яшчэ і прымусяць езьдзіць, барані Божа, па правым баку дарогі!
- Ну, яно можа і ня так страшна, як тыя чортавы мэтры-літры. Галоўнае, каб правабочны рух уводзіўся паступова!

Той "танкіст" нагадаў яшчэ адну штуку...

Sat, 14 Jul 2007 14:28:17 GMT

Man charged over speeding on one wheel

Некалькі дзён назад 34-гадовага мужыка ў вельмі ціхім і добрым горадзе паліцыя злавіла: ехаў на матацыкле 120 км/г (дзе ліміт быў 50) на адным коле, везучы наркотыкі, зброю і 26 тысяч даляраў гатоўкай (22650USD). Што мяне дабіла - без правоў. Хоць бы правы ўзяў на ўсякі выпадак... Ладна, галоўнае каб ехаў цьвярозы.

Вось да чаго людзей даводзіць сытае спакойнае буржуйскае жыцьцё.

Хе, мужык на танку паўтары гадзіны руйнаваў Сыднэй

Sat, 14 Jul 2007 14:11:22 GMT

Як добра, што я адтуль зьехаў. То басурмане нашых б'юць, то нашы басурманаў, а сёньня наагул блакбастэр нейкі, плюс халадрыга ўсю зіму.

Лента.ру напісала "Австралиец на танке разрушил сотовые вышки в пригородах Сиднея" - гэта ня прыгарады, гэта сам Сыднэй, нават цэнтральныя раёны называюцца suburbs.

Цяпер мужыка будуць судзіць за driving in a dangerous manner - небясьпечную манэру язды.

Гары пяты

Thu, 12 Jul 2007 11:50:26 GMT

Толькі што з кіна. Як вядома, хатні эльф Добі з Гары Потэра-2 быў вельмі падобны на Пуціна.

Таму я зусім не зьдзівіўся, убачыўшы новага эльфа, вельмі злобнага, зь пятага фільма. Лепшай фоткі, чым на Вікіпэдыі, не знайшоў, але ў кіно ён мне нашмат болей нагадаў не скажу каго (у старасьці) - магчыма, піва паўплывала, дый я даўно забыў, як той тып выглядае...

Больш нічога ў фільме не спадабалася. Квола адпрацавалі чарговы нумар. Праўда, я і кніжку пятую цярпець не магу, катаваньні дзяцей і іншая чарнуха. Адзінае выключэньне - злая настаўніца: тая наадварот, стараецца аж занадта, але лепш так, чым ніяк. З амаль усіх (нешматлікіх) фразаў Рона сьмяяўся - ня ведаю, як пераклалі. Ну і ўсё...

Дарэчы, вернемся да Крычара. У кніжцы ён адыгрывае ключавую ролю, а ў фільме чыста дзеля мэблі. Навошта змарнавалі гэтулькі машыннага часу? Наагул спэцэфэкты так сабе - вядома, ўсё нешта страляе і выбухае, піратэхнікі шмат, але мяне не захапіла. Можа Трансформэры будуць лепей.

Хлопчык

Mon, 09 Jul 2007 00:29:34 GMT

Reptile Show, Cronulla Plaza

Каляды

Sun, 08 Jul 2007 00:16:57 GMT

А вось і людзі

Manly Beach, Sydney

Каляды (дзяўчаты ў адпаведных шапачках)

Сувязь Аўстраліі з цывілізаваным сьветам

Sat, 07 Jul 2007 11:36:38 GMT

Тады буду працягваць мучыць фоткамі... я іх нарабіў чатыры з паловай тысячы, надоўга выстачыць. :-)

Хто сказаў, што ў Аўстраліі няма замкаў?

Sat, 07 Jul 2007 08:21:36 GMT

Няма калі пісаць, а хочацца. Буду выкладваць фоткі і ўсякую старызну.

Bli Bli Castle, The Sunshine Coast

Зноў пералёт

Mon, 11 Dec 2006 12:28:16 GMT

Атрымаў толькі што nudge ад сяго-таго. ;-)

Пісаць шмат пра што, але ж няма часу. Мы пераехалі з фантастычна прыгожага, але непраўдападобна халоднага Сыднэя на цёплы і таксама прыгожы цэнтральны бераг Квінзлэнда. Юля ж мяне і прымусіла забраць яе ў Аўстралію ад таго, што яны з Дыяначкай моцна хварэлі на пнэўманію ўзімку, Дыяна проста памерці магла лёгка. Але, як ні дзіўна, у Менску мы ня мерзьлі так часта, як у Сыднэі.

На http://flickr.com/photos/antart шмат новых фотак - пачынаецца эратычнымі начнымі танцамі Юлі ў садзе, што мы пазаўчора зьнялі разам з домам. А потым сам дом, горад і навакольле. Пакуль усім падабаецца (забаўна толькі, што тут беларускія камары ё, а ў Сыднэі няма). Горад маленькі (30000, хаця памерам як 2/3 Менска) і ня мае праблем мэгаполіса, а крамы тыя самыя, што і ў Сыднэі... І ўсё ж у дзень адлёту я плакаў у скалах нашай Краналы, і сёньня доўга і падрабязна сьніў, што да мяне прыляцеў мой бацька, і мы гуляем па Сыднэі...

Цяпер мяне рэальна мучаюць дзьве настальгіі замест адной... хоць бы іх ня стала болей у будучыні.

Пенёндзы

Sat, 14 Oct 2006 10:44:25 GMT

Бацькі кажуць, што змалку часта знаходзіў на вуліцы грошы. Безьліч манэт, нямала 1-3-5-рублёвак, і адзін раз, у 9 год, ажно 10 рублёў. Бацька тады дадаў яшчэ 70 і купіў мне ровар-"взрослик". Пасьля чаго грашовая плынь рэзка спынілася - аж да сёньняшняга дня, калі падабраў 50 даляраў (гэта ~38 амэрыканскіх), плывучы ў Ціхім акіяне, дзе ногі да дна не даставалі. Грошы тут поліэтыленавыя, вельмі трывалыя і навобмацак прыемныя, і ня пэцкаюцца, ды яшчэ і салонай вадой не псуюцца (прынамсі, ня хутка). А як жа іх хтосьці ўмудрыўся згубіць? А справа ў тым, што большасьць хлопцаў купаецца ня ў звыклых беларусам плаўках-Speedo, а ў даўжэзных і шырачэзных шортах з кішэнямі. Мне ў такіх плаваць нязручна, хаця Speedo часьцяком лічацца гейскімі (хаця тутака гэты стэрэатып ня так пашыраны, як у Штатах), і хто-ніхто называе мае плаўкі "budgie smugglers" (smuggler - гэта кантрабандыст, а budgie - від папугая). Але тут нікога не хвалюе тваё адзеньне ці арыентацыя. А на пляжы сёньня, здаецца, высыпаў увесь 4-мільённы горад, бо пацяплела: +38.

Я падплыў да вялікай групы купальшчыкаў і спытаў, хто мог згубіць грошы. Прызнаўся толькі адзін хлопец - 99%, што ён не схлусіў. Пераважная бальшыня зь іх зрабіла бы на маім месцы тое самае, але вось Юля на мяне потым трохі наехала, хоць і нязлосна. :-)

Тут людзі ад самага пачатку рабілі мне нашмат болей добрых спраў, чымся я ім. На Радзіме было ня так. Таму кожная магчымасьць трохі выраўняць прапорцыю робіць мяне шчасьлівейшым. Выходзіць, грошы ўсё-такі прыносяць шчасьце. Шкада, што гэта здараецца вельмі рэдка.

Капітан Нэма быў нашым чалавекам

Fri, 25 Aug 2006 00:57:14 GMT

Чытаю ў Вікіпэдыі, як Жуль Вэрн пад уплывам выдаўцы перапісваў свае кнігі. І вось: "Also, in order not to offend France's then-ally, Russia, the origin and past of the famous Captain Nemo were changed from those of a Polish refugee avenging the partitions of Poland and the death of his family in the January Uprising repressions to those of a Hindu fighting the British Empire after the Sikh War."

Значыць, задуманы самім Вэрнам Капітан Нэма быў палякам і помсьціў за падзелы Рэчы Паспалітай і сваю забітую пасьля паўстаньня 1863 года сям'ю. Шкада, што выдаўца прымусіў з палітычных прычын зрабіць Нэму індусам. Наколькі цікавей была бы кніжка! Зь іншага боку, тады маё пакаленьне магло бы яе ў дзяцінстве і не пабачыць...